Azərbaycan, Bakı, 09 noyabr / Trend , müxbir A.Hüseynbala/
Azərbaycan Prezidenti yanında KİV-in İnkişafına Dövlət Dəstəyi Fondu Lənkəran rayonunda regional tədbir keçirir.
"Tədbirin keçirilməsində əsas məqsəd regionda fəaliyyət göstərən yerli kütləvi informasiya vasitələrinin indiki vəziyyəti ilə tanış olmaqdır. Biz yerli mətbuatın problemlərini araşdırmağa maraqlıyıq. Çünki fond yaradılanda qarşıya qoyulan məqsədlərdən biri də regionlardakı kütləvi informasiya vasitələrinin problemlərinin həlli üçün müəyyən yardımların ayrılması da nəzərə tutulub", -çərşənbə axşamı Trend -a Azərbaycan Prezidenti yanında KİV-in İnkişafına Dövlət Dəstəyi Fondunun rəhbəri Vüqar Səfərov bildirib.
Trend -un arayışı: Azərbaycan Prezidenti İlham Əliyev 2009-cu ilin əvvəlində Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun yaradılması haqqında sərəncam imzalayıb.
Sərəncama əsasən, Azərbaycan Prezidenti yanında KİV-in İnkişafına Dövlət Dəstəyi Fondunun yaradılması da təsdiq olunub.
Fondun yaradılmasında məqsəd Azərbaycanda fikir, söz və məlumat azadlığı şəraitini yaxşılaşdırmaq, o cümlədən buna xidmət edən kütləvi informasiya vasitələrinə dövlət dəstəyini nəzərdə tutur.
Onun fikrincə, regionlardakı vəziyyətlə tanış olduqdan sonra regional KİV-in inkişafına Fondun hansı formada yardımlar göstərməsi məsələsi həll ediləcək.
Tədbirdə fondun Müşahidə Şurasının üzvləri, Mətbuat Şurasının sədri və bir neçə qəzetin baş redaktoru iştirak edir.
Azərbaycanda dörd minə yaxın kütləvi infоrmаsiyа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 8 ümumrespublika, 14 regional, 13 kabel televiziyası fəаliyyət göstərir. Аzərbаycаndа 50-yə yaxın elektron KIV, təxminən 20 informasiya agentliyi vаr. Qalanları isə internet resurslarıdır
Məqalə müəllifi ilə əlaqə ünvanı: [email protected]