...

Azərbaycanda polis zabitini qətlə yetirən şəxsin məhkəməsi başlayıb

Cəmiyyət Materials 25 Noyabr 2009 15:23 (UTC +04:00)
Trend News-un məlumatına görə, çərşənbə günü Ağır Cinayətlərə Dair İşlər üzrə Məhkəmədə Rasim Məmmədovun cinayət işi üzrə keçirilən prosesdə dövlət ittihamçısı çıxış edib.

Azərbaycan, Bakı, 25 noyabr / Trend , müxbir H.Bağırov/

Azərbaycanda polis zabitini qətlə yetirməkdə təqsirli bilinən şəxsin məhkəməsi keçirilib.

Trend -un məlumatına görə, çərşənbə günü Ağır Cinayətlərə Dair İşlər üzrə Məhkəmədə Rasim Məmmədovun cinayət işi üzrə keçirilən prosesdə dövlət ittihamçısı çıxış edib.

Məmmədov özünə məxsus, taksi kimi istifadə etdiyi avtomobildə Dövlət Yol Polisi Alayının əməkdaşı - 45 yaşlı Elçin İlyasovu döyərək qətlə yetirib.

Prokuror Məmmədovun 15 il azadlıqdan məhrum edilməsini istəyib.

Təqsirləndirilənin vəkili çıxışa hazırlaşmaq üçün vaxt istəyib. Buna görə də proses dekabrın 1-dək təxirə salınıb.

Təqsirləndirilən şəxs Cinayət Məcəlləsinin xuliqanlıq niyyəti ilə adam öldürmə (120.2.2), xüsusi amansızlıqla adam öldürmə (120.2.4), xuliqanlıq (221.2.2, 221.3) maddələri ilə ittiham olunur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti