Fransa, Strasburq, 25 yanvar / Trend , müxbir A.Məhərrəmli/
Azərbaycan Respublikasının Ali Məhkəməsinin sədri Ramiz Rzayev Avropa İnsan Hüquqları Məhkəməsinin (AİHM) yeni açılış ili ilə bağlı keçiriləcək ənənəvi tədbirdə iştirak etmək məqsədilə yanvarın 27-30-da Strasburqa səfər edəcək. Bu barədə Trend -a bazar ertəsi Azərbaycanın Avropa Şurası yanında Daimi Nümayəndəliyindən məlumat verilib.
Səfər çərçivəsində Ramiz Rzayevin AİHM-nin sədri Jan -Pol Kosta (Jean-Paul Costa) və digər rəsmi şəxslərlə görüşü nəzərdə tutulub.
Səfər zamanı Ali Məhkəmənin sədrini qurumun icra aparatının rəhbəri Əlirza Kazımov müşayiət edəcək.