...

Azərbaycanda dələduzluqda ittiham olunan şirkət əməkdaşlarının cəzası ağırlaşdırılıb

Cəmiyyət Materials 16 Aprel 2010 10:38 (UTC +04:00)
Azərbaycanda prokurorluğun apelyasiya protesti əsasında dələduzluqda ittiham olunan şirkət əməkdaşlarının cəzası ağırlaşdırılıb.

Trend-i buradan izləyin

Azərbaycan, Bakı, 16 aprel /Trend, müxbir H.Bağırov/ Azərbaycanda prokurorluğun apelyasiya protesti əsasında dələduzluqda ittiham olunan şirkət əməkdaşlarının cəzası ağırlaşdırılıb.

Trend-in məlumatına görə, bu gün Bakı Apelyasiya Məhkəməsində Baş Prokurorluğun protesti əsasında dələduzluqda ittiham olunan "Rona" MMC şirkəti əməkdaşları Marina Borisovna Məmmədova, Podoqova İrina PetrovnaRövşən Nağızadənin barəsində qərar elan edilib.

Qərara görə, prokurorluğun apelyasiya protesti təmin edilib. Ağır Cinayətlərə Dair İşlər üzrə Məhkəmənin hökmü dəyişdirilərək,  Podoqovana 5 il, Nağızadə 8 il müddətinə azadlıqdan məhrum edilib. Hər iki şəxsin barəsində şərti məhkum etmə barədə hökm ləğv edilib və məhkəmə zalından həbsə alınıblar.

Məhkəmə Məmmədovanın barəsində birinci məhkəmə instansiyasının çıxardığı hökmü dəyişdirmədən saxlayıb.

Ağır Cinayətlərə Dair İşlər üzrə Məhkəmənin hökmü ilə Məmmədova 4 il azadlıqdan məhrum edilib. Digər zamində olan təqsirləndirilən şəxslər Podoqovana və Nağızadənin hər birinə 4 il şərti cəza təyin edilmişdi.

"Rona" şirkətinin təsisçisi Nağızadə, baş mühasib Məmmədova və mühasib Podoqova 2004-cü ildə "Space" telekanalında imkansız şəxslərə yardım adı altında "Mərhəmət sorağında" proqramını hazırlayıb təqdim ediblər. Proqramda "Azercell" BM tərəfindən ayrılan nömrəyə tamaşaçılar tərəfindən göndərilən SMS-lər şirkətin "Qocbank"dakı hesabına köçürülüb.

Adı çəkilən şəxslər hesaba köçürülən 57445 manatı mənimsəməkdə təqsirləndirilirlər.

Təqsirləndirilən şəxslər Cinayət Məcəlləsinin külli miqdarda ziyan vurmaqla dələduzluq törətmə (178.3.2) və külli miqdarda vergi ödəməkdən yayınma (213.4) maddələri ilə ittiham olunublar.

Xəbər lenti

Xəbər lenti