Azərbaycan, Bakı, 4 may /Trend, müxbir M.Əliyev /
Azərbaycanın təhsil naziri Misir Mərdanov şagirdlərinin sayı az olan məktəblərin ləğv edilməsinə tərəfdardır.
Hazırda Azərbaycanda doqquz orta məktəbdə 30-dək, 74 məktəbdə 31-dən 50-dək, 323 məktəbdə 51-dən 100-dək şagird təhsil alır. Bu barədə Mərdanov "Məktəb şəbəkələrinin rasionallaşdırılması" mövzusunda kollegiyada bəyan edib. Təhsil Nazirliyinin yaydığı məlumatda belə deyilir. Onun fikrincə, bu təhsil müəssisələrinin işi məqsəduyğun deyil. Nazir kiçik qəsəbələrdə yaşayan şagirdlərin böyük məktəblərə daşınması üçün avtobusların ayrıldığı bir sıra ölkələrin təcrübəsini misal gətirib.
Mərdanovun sözlərinə görə, məktəb şəbəkələrinin rasionallaşdırılması ümumtəhsil sisteminin əsas problemidir.
Nazirlik artıq ölkənin Ucar rayonunda təhsilin rasioanallaşdırılması üzrə iş planı hazırlayıb.