Azərbaycan, Bakı, 14 yanvar /Trend, müxbir K.Zərbalıyeva/
İmişlidə avtomobil təmiri sexində yanğın olub, iki nəfər xəsarət alıb.
Fövqəladə Hallar Nazirliyinin rəsmi saytının bu gün yaydığı məlumata görə, vətəndaşa məxsus avtomobil təmiri sexində "Mercedes" markalı minik avtomobilinin salonu və arxa təkərləri yanıb.
Hadisə zamanı sexdə olan 2 nəfər sex işçisi yanıq xəsarətləri alıb. Yaralılar xəstəxanaya aparılıb.