Azərbaycan, Bakı, 17 fevral /Trend, müxbir M.Əliyev/
Azərbaycan Parlamentinin deputatları Sevinc Fətəliyeva və Sahibə Qafarova Avropa Şurası Parlament Assambleyasının (AŞPA) komitələrində fevralın 16-dan 19-dək dinlərarası dialoq, təhsildə seçim etmə azadlığı, biometrikanın tətbiqinin insan hüquqlarına təsiri, qadınlara qarşı məişət zorakılığı ilə mübarizə, səlahiyyətli qurumlarda qadınların təmsilçiliyi ilə bağlı müzakirələrdə iştirak edəcəklər. Trend-in məlumatına görə, bu barədə Milli Məclisin mətbuat xidmətindən cümə axşamı bildiriblər.
Azərbaycanlı deputatlar üç gün ərzində Parisdə AŞPA-nın Mədəniyyət, elm və təhsil, həmçinin Qadınlar və kişilər üçün bərabər imkanlar komitələrinin iclaslarında iştirak edəcəklər.