Azərbaycan, Bakı, 18 mart /Trend, müxbir K.Zərbalıyeva/
Azərbaycan Səhiyyə Nazirliyi yoluxucu xəstəliklər və psixiatriya ixtisasları üzrə martın 16-da keçirilən test imtahanlarının nəticələrini açıqlayıb.
Nazirliyin mətbuat xidmətindən cümə günü Trend-ə verilən məlumata görə, imtahanlarda 47 həkim müvəffəqiyyət qazanıb.
Həkimlərdən 2 nəfəri 100 bal toplayaraq ən yüksək nəticə göstərib.
İmtahanlardan uğurla keçən həkimlərə sertifikatlar təqdim edilib. Bu sertifikat tibb işçilərinə yaxın 5 il ərzində praktik tibb və əczaçılıq fəaliyyəti ilə məşğul olmaq hüququ verir.
Sertifikasiya üzrə yanvar-fevral-mart aylarında 14 ixtisas üzrə imtahan keçirilib.