Azərbaycan, Bakı, 4 avqust /Trend, müxbir İ.İsabalayeva/
Səhiyyə Nazirliyinin "Qaynar xətt" xidmətinə bu ilin iyul ayı ərzində 669 müraciət daxil olub. Nazirliyin mətbuat xidmətindən cümə axşamı Trend-ə verilən məlumata görə, müraciətlərin 362-si şikayət, 170-i sorğu xarakterlidir.
Müraciətlərin 41-i aidiyyəti üzrə olmayıb, 96-sı isə cari problemlərə bağlı olub.
"Qaynar xətt" xidmətinə daxil olmuş bütün müraciətlər mütəxəssislər tərəfindən dinlənilib, qeydə alınıb və araşdırılıb. Bu günə kimi daxil olan bütün şikayətlər barədə müvafiq tədbirlər görülüb.