Azərbaycan, Bakı, 14 sentyabr /Trend, müxbir T.Cəfərov/
İranın Parsabad şəhərindən Bakıya gözdən əlil idmançıların velosiped yürüşü təşkil edilib.
Velosipedçilər qrupunun rəhbəri Səccad Kərimpur Trend-ə bildirib ki, yürüş iştirakçıları Parsabaddan Bakıya qədər olan 260 kilometrlik məsafəni "əlillik məhdudiyyət demək deyil" şüarını sübut etmək üçün qət ediblər.
Kərimpur deyib ki, idmançılar dörd gün müddətində Azərbaycanın müxtəlif bölgələrinə səfər edəcəklər.
Yürüşdə İran milli komandasının üzvü olan 8 idmançı iştirak edir.