Azərbaycan, Bakı, 18 oktyabr /Trend, müxbir K.Zərbalıyeva/
Bu gün axşam Bakının Mətbuat prospektində nəqliyyatın hərəkəti dayandırılacaq.
Bakı şəhər Baş Polis İdarəsi Dövlət Yol Polisi İdarəsinin İctimaiyyətlə əlaqələr bölməsinin inspektoru Razi Zeynalov çərşənbə axşamı Trend-ə bildirib ki, Mətbuat prospektində su xəttində baş vermiş qəzanın aradan qaldırılması məqsədi ilə axşam saat 21:00-dan təmir işləri başa çatanadək keçmiş Qələbə meydanından A.Abbasov küçəsi istiqamətində (Mətbuat prospekti boyunca) nəqliyyatın hərəkəti tam məhdudlaşdırılaraq istiqamət dəyişdiriləcək.
Sürücülərdən alternativ yollardan istifadə etmələri xahiş olunur.