Azərbaycan, Bakı, 23 noyabr /Trend, müxbir E.Mehdiyev/
Tofiq Bəhramov adına Respublika stadionunda gedən yenidənqurma işlərinin mart ayının ortalarında başa çatması gözlənilir. Bunu çərşənbə günü Trend-ə Gənclər və İdman Nazirliyinin tikilməkdə olan obyektlər müdiriyyətinin direktoru Leysan Məmmədov bildirib.
Onun sözlərinə gorə, stadionun yenidən qurulması ilə bağlı işlər davam edir. Hazırda stadionda dəmir-beton işləri gedir. Digər materiallar Koreya Respublikasından sifariş verilib.
"Materialların bir hissəsi artıq Azərbaycana çatıb, qalan hissəsi isə yaxın vaxtlarda çatdırılacaq", - Məmmədov deyib.
O qeyd edib ki, stationun tribunasının üstü bağlanır, əlavə tribuna tikilir, soyunub-geyinmə otaqları və digər otaqlar yenidən qurulur, oturacaqlar və stadionun ot hissəsi dəyişdirilir, drenaj sistemi yenidən qurulacaq və bir çox işlər aparılacaq.