Azərbaycan, Bakı, 26 yanvar /Trend müxbir H.Vəliyev/
Azərbaycanın kabel televiziyası operatoru rəqəmsal televiziyanın regional səviyyədə inkişafı üçün daha münasib şərtlər təqdim edəcək. Trend-in məlumatına görə, bu barədə cümə axşamı jurnalistlərə "AG Telekom" (KATV1 brendinin sahibi) şirkətinin ictimaiyyətlə əlaqələr şöbəsinin rəisi Pərvin Sadıqov bildirib.
Onun sözlərinə görə, telekanalların regional səviyyədə retranslyasiyası əvvəlcədən rəqəmsal formatda qurulur, belə ki, analoq şəbəkəsini qurduqdan sonra rəqəmsala keçmək məqsədəuyğun və sərfəli deyil.
"Biz artıq kanalların retrsanslyasiyası rəqəmsal formatda həyata keçirilən Azərbaycanın bir sıra regionlarında xidmətlərin göstərilməsinə başlamışıq. Paytaxt bazarından fərqli olaraq, biz regioanal səviyyədə xidmətlərimiz üzrə daha sərfəli və münasib şərtlər təklif etməyi planlaşdırırıq. Söhbət tunerlər üzrə təklif etmək niyyətində olduğumuz güzəştli şərtlərdən gedir. Biz bu barədə əhalini martın əvvəlindən məlumatlandırmağı planlaşdırırıq" , - Sadıqov qeyd edib.
Onun sözlərinə görə, şirkət yaxın müddətdə Gəncədə kabel televiziyası xidmətini işə salmağı planlaşdırır.
Hazırda Bakı şəhərinin yaşayış massivlərinin xeyli hissəsi artıq kabel televiziyası xidmətləri ilə əhatə olunub. Operatorun xidmətləri Abşeron yarımadasında göstərilir, regional səviyyədə isə Mingəçevirdə işə salınıb.
