Azərbaycan, Bakı, 12 may /Trend, müxbir H.Vəliyev/
I rübün yekunları üzrə Azərbaycana ümumi dəyəri 1517,7 min dollar olan 30 020 ədəd mobil telefon idxal edilib. Bu barədə şənbə günü Trend-ə Dövlət Statistika Komitəsindən məlumat veriblər.
Komitənin məlumatına görə, 2011-ci ilin yanvar-mart ayları ilə müqayisədə ölkəyə idxal edilən mobil telefonların sayı 2,75 faiz azalıb (ötən il 30 848 ədəd gətirilib). Ümumi dəyər baxımından bu göstərici 25,2 faiz azalıb.
Hər ay ölkəyə orta hesabla 11-12 min mobil telefon idaxl edilir. Mobil telefon bazarının aylıq həcmi dəyərlə ifadədə 500-700 min dollar təşkil edir.
