Azərbaycan, Bakı, 29 iyun /Trend, müxbir E.Mehdiyev/
Goranboyda güclü yağış nəticəsində 15 kənddə yaranmış fəsadların aradan qaldırılması üçün texnika cəlb olunub.
Rayon icra başçısının müavini Baxış Abdullayev Trend-ə bildirib ki, hazırda sel basmış ərazilərdə fəsadların aradan qaldırılması üçün İcra Hakimiyyətinə məxsus texnika əraziyə cəlb olunub.
O qeyd edib ki, hazırda İcra Hakimiyyətin fövqəladə komissiyası sel basmış kəndlərdə dəymiş zərərin həcmini müəyyənləşdirmək üçün iş aparır. O, günün sonuna qədər qiymətləndirmənin başa çata biləcəyini vurğulayıb.