Azərbaycan, Bakı, 9 avqust /Trend, müxbir M.Əliyev/
Bakının ətraf qəsəbələrində yollar genişləndirilir.
"Azəryolservis" ASC-nin mətbuat xidmətinin rəhbəri Pünhan Mürsəliyev cümə axşamı Trend-ə bildirib ki, yenidən qurulması nəzərdə tutulan Qala-Şüvəlan-Pirallahı yolunun ümumi uzunluğu 22,7 km, eni ayrıcı zolaqla birlikdə 28 metr təşkil edəcək.
Yolun ilk 6,9 km-lik hissəsi 6 hərəkət zolağından (3 gediş-3 gəliş), 15,8 km-lik hissəsi isə 4 zolaqdan (2 gediş-2 gəliş) ibarət olacaq.
Layihə üzrə müxtəlif sahələrdə yol qovşaqlarının tikintisi planlaşdırılır.
Tikintisinə 2012-ci ilin iyul ayından başlanılan yolda hazırda tikinti altına düşən maneələrin araşdırılması və torpaq-qazma işləri həyata keçirilir.