Azərbaycan, Bakı, 23 oktyabr /Trend, müxbir İ.İsabalayeva/
Azərbaycan tarixinə aid alman dilində olan ilk mənbələrin Almaniyadan ölkəmizə gətirilməsi və ana dilimizə tərcümə olunması nəzərdə tutulur.
Azərbaycan Milli Elmlər Akademiyasının Tarix İnstitutundan çərşənbə axşamı Trend-ə verilən məlumata görə, yaxın günlərdə Almaniyada saxlanılan ilk mənbələrin öyrənilməsi və ölkəmizə gətirilməsi layihəsi çərçivəsində bir qrup tarixçi Almaniyaya ezam ediləcək.
Almaniyanın elmi-tədqiqat müəssisələri və arxivləri arasında genişləndirilmiş elmi əməkdaşlıq çərçivəsində Azərbaycan tarixinə dair mühüm əsərlərin alman dilinə tərcümə edilməsi planlaşdırılır. Azərbaycan - Almaniya qarşılıqlı əlaqələri tarixinin birgə araşdırılması və birgə elmi konfransların keçirilməsi, gənc tarixçilərimizin Humboldt fonduna namizədliklərinin irəli sürülməsi layihələrinin həyata keçirilməsi nəzərdə tutulur.