...

Bakı yol polisi paytaxtda yaranan tıxaclara aydınlıq gətirib

Cəmiyyət Materials 29 Dekabr 2012 18:43 (UTC +04:00)
Bakı Şəhər Dövlət Yol Polisi İdarəsinin bölmə rəisi Vaqif Əsədov Trend-ə bildirib ki, tıxacların yaranmasının başlıca səbəbi şəhərin bəzi əsas küçələrində avtomobillərin hərəkətinə qoyulan tam məhdudiyyətdir.
Bakı yol polisi paytaxtda yaranan tıxaclara aydınlıq gətirib

Trend-i buradan izləyin

Azərbaycan, Bakı, 29 dekabr /Trend, müxbir E.Mehdiyev/

Bakı şəhər Dövlət Yol Polisi İdarəsi şəhərdə yaranan tıxacların səbəbini bir daha açıqlayıb.

Bakı Şəhər Dövlət Yol Polisi İdarəsinin bölmə rəisi Vaqif Əsədov Trend-ə bildirib ki, tıxacların yaranmasının başlıca səbəbi şəhərin bəzi əsas küçələrində avtomobillərin hərəkətinə qoyulan tam məhdudiyyətdir.

Əsədovun sözlərinə görə, Cəlil Məmmədquluzadə küçəsindən "Papanin" kimi tanınan ərazi istiqamətində təmir işləri ilə əlaqədar avtomobillərin hərəkətinə tam məhdudiyyət qolulduğundan yeganə alternativ yol olan Tbilisi prospektində tıxac yaranır.

Digər tərəfdən Badamdar istiqamətindən "20 sahə" adlanan ərazi və ona yaxın digər istiqamətlərə gedən yol sürüşməyə görə tam məhdudiyyət qoyulub. Bundan başqa Heydər Əliyev Sarayının arxasından Füzuli küçəsi ilə hər iki istiqamətə "Beş mərtəbəli" istiqamətinə yol bir neçə mərtəbəli avtodayanacaq və yeraltı piyada keçidinin tikintisi ilə əlaqədar bağlıdır.

S. Vurğun küçəsində təmir işləri getdiyindən, avtomobillərin hərəkətində problem yaranır. Biləcəri qəsəbəsindən Binəqədi şosesi istiqmətində yeni asfalt örtüyünə görə avtomobillərin hərəkəti məhdudlaşdırılıb.

"Azadlıq" meydanında yeraltı avtomobil dayanacağının tikintsi ilə əlaqədar Neftçilər və Puşkin küçəsinin tam bağlanması, Babək prospektindən Fəhlə prospekti istiqamətində boru keçidi ilə yol üzrə əsaslı təmir-tikinti işlərinin aparılması və paytaxtın inzibati ərazisində daxil olan digər ərazilərdə, mərkəzi küçələrdə qazıntı işlərinin aparılması yolun daralmasına səbəb olub ki, bu da avtomobillərin hərəkətində sıxlıq yaradır.

Əsədov bildirib ki, ölkə üzrə 1 milyon 100 mindən artıq nəqliyyat vasitəsi qeydə alınıb ki, onun da 620 mini Bakı şəhərində qeydiyyatdadır və gün ərzində paytaxta 50 min nəqliyyat vasitəsi daxil olur. Bundan əlavə bayram ərəfəsində bölgələrdən paytaxta axın artıb.

Məqalədə:
Xəbər lenti

Xəbər lenti