Azərbaycan, Bakı, 18 iyun /Trend, müxbir A.Tağıyeva/
Türkiyə Mədəniyyət Nazirliyinin nümayəndə heyəti Rusiya və Almaniyaya səfər edərək hər iki ölkənin aparıcı turizm şirkətlərinin nümayəndələrilə görüşlər keçirib. Bu barədə Trend çərşənbə axşamı "Hürriyet" qəzetinə istinadən məlumat verir.
Məlumata görə, hər iki ölkəyə səfərin məqsədi Türkiyəyə turistlərin cəlb edilməsidir. Taksim meydanında baş vermiş hadisələrdən sonra sözügedən ölkələrdən Türkiyəyə gələn turistlərin sayı kəskin azalıb.
Nümayəndə heyəti Rusiyada Federal Turizm Agentliyinin rəhbəri Aleksandr Radkovla görüş keçirib. Almaniyada isə 10 aparıcı turizm agentliyinin rəhbərlərilə danışıqlar aparılıb.