...

Azərbaycanda IV ixtisas qrupu üzrə qəbul imtahanının nəticələri açıqlandı

Cəmiyyət Materials 30 İyul 2013 18:32 (UTC +04:00)
İyulun 28-də 2013/2014-cü tədris ili üçün Azərbaycan Respublikası ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə IV ixtisas qrupu üzrə keçirilən qəbul imtahanının nəticələri məlumdur.
Azərbaycanda IV ixtisas qrupu üzrə qəbul imtahanının nəticələri açıqlandı

Trend-i buradan izləyin

Azərbaycan, Bakı, 30 iyul /Trend, müxbir M.Əliyev/

İyulun 28-də 2013/2014-cü tədris ili üçün Azərbaycan Respublikası ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə IV ixtisas qrupu üzrə keçirilən qəbul imtahanının nəticələri məlumdur.

Tələbə Qəbulu üzrə Dövlət Komissiyasından Trend-ə bildiriblər ki, hər bir abituriyent TQDK-nın internet saytına daxil olaraq imtahan nəticələri və cavab kartının qrafik təsviri ilə tanış ola bilər.

Abituriyentlər imtahan nəticələri barədə məlumatı, həmçinin mobil telefonla 7727 nömrəsinə iş nömrələrini göndərməklə öyrənə bilərlər.

IV ixtisas qrupu üzrə ixtisas seçimində aşağıdakı müsabiqə şərtlərini ödəmiş - ümumi balı 150-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

Dövlət sifarişli ixtisasların müsabiqəsində ümuni balı 350-dən, hər bir imtahan fənni üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

Ümumi balı 300 və daha çox olan abituriyentlərin ixtisas seçiminə buraxılmaları üçün onların fənlər üzrə cavablarına nisbi bal məhdudiyyəti tətbiq olunmur.

IV ixtisas qrupu üzrə imtahanda iştirak etmək üçün sənəd vermiş 11 796 abituriyentdən 673 nəfəri imtahanda iştirak etməyib.

İmtahanda iştirak edən 11123 abituriyentlərdən 16 nəfəri imtahan qaydalarını pozduğuna görə imtahandan xaric olunub və nəticələri ləğv edilib.

İki nəfər maksimal nəticə - 700 bal toplayıb.

İxtisas seçimi avqustun 6-dan avqustun 15-dək internet vasitəsilə aparılacaq.

Məqalədə:
Xəbər lenti

Xəbər lenti