Gürcüstan, Tbilisi, 13 sentyabr /Trend, müxbir N.Kirsxaliya/
Silahlı Qüvvələrin (SQ) gürcü hərbi qulluqçuları Gürcüstan ordusunun milliyyətcə digər hərbçiləri ilə görüş proqramı çərçivəsində Milli Qvardiyanın briqadasında azərbaycanlı hərbi qulluqçularla görüşüblər.
Gürcüstan Müdafiə Nazirliyindən Trend-ə verilən məlumata görə, görüşün məqsədi milli azlıqların nümayəndələrinə öz doğma dillərində Gürcüstan SQ-də aparılan islahatlar haqqında məlumat vermək, onların problemləri ilə yaxından tanış olmaq, həmçinin onların hərbi xidmətə marağını artırmaq olub.
Nazirliyin nümayəndəsi Bünyamin Qasımov görüş iştirakçılarını cari infrastruktur və sosial layihələrlə tanış edib.
Analoji görüşlər digər hərbi birləşmələrdə də keçiriləcək.