...

Azərbaycan Prezidenti yanında Gənclər Fondunun sədri Bakı Ali Neft Məktəbinin tələbələri ilə görüşüb (FOTO)

Cəmiyyət Materials 4 Noyabr 2013 12:02 (UTC +04:00)
Azərbaycan Prezidenti yanında Gənclər Fondunun sədri Fərhad Hacıyev Bakı Ali Neft Məktəbində tələbələrlə görüşüb.
Azərbaycan Prezidenti yanında Gənclər Fondunun sədri Bakı Ali Neft Məktəbinin tələbələri ilə görüşüb (FOTO)

Trend-i buradan izləyin

Azərbaycan, Bakı, 4 noyabr /Trend/

Azərbaycan Respublikasının Prezidenti yanında Gənclər Fondunun sədri Fərhad Hacıyev Bakı Ali Neft Məktəbində tələbələrlə görüşüb.

BANM-dən Trend-ə verilən məlumata görə, Bakı Ali Neft Məktəbinin rektoru Elmar Qasımov qonağı BANM-də görməkdən məmnunluq hissi keçirdiyini ifadə edərək bildirib ki, Gənclər Fondu ilə əməkdaşlığın qurulması ali məktəbin tələbələri üçün olduqca vacib və əhəmiyyətli məsələdir.

Prezident İlham Əliyevin rəhbərliyi ilə ölkədə həyata keçirilən gənclər siyasətinin əhəmiyyətindən bəhs edən Elmar Qasımov bildirib ki, bu gün Azərbaycanda gənclərin inkişafı və gələcəkdə bir lider kimi yetişməsi üçün bütün lazımi şərait dövlət tərəfindən yaradılıb və günü-gündən bu istiqamətdə yeni islahatlar həyata keçirilməkdədir.

Azərbaycanda Avropa standartlarına tam uyğun yaradılmış Bakı Ali Neft Məktəbində olmasından məmnunluğunu ifadə edən Azərbaycan Respublikasının Prezidenti yanında Gənclər Fondunun sədri Fərhad Hacıyev qeyd edib ki, məhz bu cür ali təhsil ocaqlarının ölkəmizdə yaradılması dövlət başçısının gənclərə olan yüksək diqqətinin və qayğısının nəticəsidir.

Daha sonra Azərbaycan Respublikasının Prezidenti yanında Gənclər Fondunun yaradılması və fəaliyyəti haqqında tələbələrə ətraflı məlumat verən Fərhad Hacıyev bildirib ki, Gənclər Fondu gənclər siyasəti ilə bağlı elm, təhsil, mədəniyyət və digər sosial sahələrə yönəlmiş fəaliyyətləri stimullaşdıran, o cümlədən beynəlxalq səviyyədə həyata keçirilən layihə və proqramları qrant şəklində maliyyələşdirən bir qurumdur. Onun sözlərinə görə, Gənclər Fondu bu günə qədər 3 qrant müsabiqəsi həyata keçirib və artıq 4-cü qrant müsabiqəsinə start verilib.

Tələbələri bu qrant müsabiqəsində aktiv iştirak etməyə çağıran Fərhad Hacıyev müsabiqənin şərtləri və qaydaları haqqında ətraflı məlumat verib.

Gənclər Fondu ilə artıq fəaliyyətə başladıqlarını bildirən BANM Tələbə Senatının sədri Rəvan Adilov deyib ki, ATGTİ ilə birlikdə həyata keçirmək istədikləri "Gənc Neftçilərin I Bilik Olimpiyadası" layihəsi Gənclər Fondunun həyata keçirdiyi 3-cü qrant müsabiqəsinin qalib layihələrindən olub və yaxın zamanda bu layihənin icrasına başlanılacaqdır.

Daha sonra Fərhad Hacıyev tələbələrin çoxsaylı suallarını cavablandırıb və fikir mübadiləsi aparılıb.

Məqalədə:
Xəbər lenti

Xəbər lenti