...

Azərbaycan ekoloqları ölkədə ətraf mühitin qorunması vəziyyətini müzakirə ediblər

Cəmiyyət Materials 16 May 2014 18:17
Ekologiya və Təbii Sərvətlər Nazirliyində kollegiya iclası keçirilib.
Azərbaycan ekoloqları ölkədə ətraf mühitin qorunması vəziyyətini müzakirə ediblər

Trend-i buradan izləyin

Azərbaycan, Bakı, 16 may /Trend/

Ekologiya və Təbii Sərvətlər Nazirliyində kollegiya iclası keçirilib.

Trend-in nazirliyin mətbuat xidmətinə istinadən verdiyi məlumata görə, kollegiya iclasında iki məsələ - Ətraf Mühitin Mühafizəsi və Meşələrin İnkişafı departamentlərinin, həmçinin onların tabeli qurumlarının 2014-cü ilin I rübü ərzində fəaliyyətlərinin yekunları və qarşıda duran vəzifələr müzakirə edilib.

İclası giriş sözü ilə açan ekologiya və təbii sərvətlər naziri Hüseynqulu Bağırov ölkə Prezidentinin ekologiya və ətraf mühitin mühafizəsi ilə əlaqədar məsələləri daim diqqət mərkəzində saxlamasını, ətraf mühitin mühafizəsinin yaxşılaşdırılması istiqamətində aparılan işlərə böyük dəstək verdiyini, bu istiqamətdə iri layihələrin uğurla həyata keçirildiyini və hazırda da davam etdirildiyini bildirib.

Kollegiya iclasında Ətraf Mühitin Mühafizəsi Departamentinin direktoru Xalıqverdi Hüseynov çıxış edərək 2014-cü ilin I rübü ərzində departament və onun tabeli qurumları tərəfindən görülmüş işlərin yekunu, "Ətraf Mühitin Mühafizəsi üzrə Dövlət Fondu"na daxilolmaların icra vəziyyəti və qarşıda duran vəzifələr barədə məlumat verib. Eyni zamanda, ətraf mühitin mühafizəsi sahəsində qanunvericiliyi pozmuş hüquqi və fiziki şəxslərin onlara tətbiq edilən cərimələri ödəməkdən yayınması, hüquq-mühafizə orqanlarına, məhkəmə və məhkəmə icraçılarına göndərilmiş işlərin əksəriyyətinin baxılmamış qalması da iclasda təəssüflə qeyd olunub.

Meşələrin artırılması və bərpası istiqamətində 2014-cü ilin ötən dövrü ərzində görülmüş işlər, həmçinin "Meşələrin qorunub saxlanılması və təkrar istehsalı Fondu"na daxilomaların icra vəziyyəti və qarşıda duran vəzifələr barədə Meşələrin İnkişafı Departamentinin direktor əvəzi Şakir İsmayılov məlumat verib. İclasda meşələrin mühafizəsi və bərpası sahəsində görülmüş işlərlə yanaşı, yol verilmiş nöqsan və problemlər də müzakirə edilib.

İclasda yerli Ərazi ekologiya və təbii sərvətlər şöbələrinin iş fəaliyyətinin səmərəliliyinin artırılması, o cümlədən ətraf mühitin mühafizəsi, ekoloji təbliğat və monitorinq sahəsində həyata keçirilən tədbirlərin yüksək səviyyədə aparılmasının təmin edilməsi, bu sahədə nöqsanların müəyyən edilərək aradan qaldırılması, eyni zamanda, meşələrə qeyri-qanuni müdaxilə hallarına qarşı effektiv mühafizə tədbirlərinin tətbiq olunması və meşə fondunda mövcud olan açıq ərazilərdə, xüsusən aran rayonlarında geniş massivlərdə əkin işlərinin aparılması barədə aidiyyəti qurumlara müvafiq göstəriş verilib.

Məqalədə:
Xəbər lenti

Xəbər lenti