...

Qəbul imtahanlarında I və IV ixtisas qrupları üzrə 7 nəfər maksimum nəticə göstərib

Cəmiyyət Materials 15 İyul 2014 18:31 (UTC +04:00)
İyulun 12-də keçirilən I və IV ixtisas qrupları üzrə qəbul imtahanlarında iştirak etmək üçün sənəd vermiş 28962 (21835 nəfər I qrup üzrə, 7127 nəfər qrup üzrə) abituriyentdən 1227 nəfəri imtahanda iştirak etməyib.
Qəbul imtahanlarında I və IV ixtisas qrupları üzrə 7 nəfər maksimum nəticə göstərib

Azərbaycan, Bakı, 15 iyul /Trend, müxbir İlhamə İsabalayeva/

İyulun 12-də keçirilən I və IV ixtisas qrupları üzrə qəbul imtahanlarında iştirak etmək üçün sənəd vermiş 28962 (21835 nəfər I qrup üzrə, 7127 nəfər qrup üzrə) abituriyentdən 1227 nəfəri imtahanda iştirak etməyib.

Trend Tələbə Qəbulu üzrə Dövlət Komissiyasının (TQDK) saytına istinadən xəbər verir ki, imtahanda iştirak edən 27735 abituriyentdən 28 nəfəri imtahan qaydalarını pozduqlarına görə imtahandan xaric olunmuş və nəticələri ləğv edilib.

I ixtisas qrupu üzrə 12319, IV ixtisas qrupu üzrə 3022 nəfər müsabiqə şərtini ödəyərək ixtisas seçiminə buraxılıb.

I ixtisas qrupu üzrə 5 nəfər, IV ixtisas qrupu üzrə 2 nəfər maksimum nəticə - 700 bal toplamışdır.

İxtisas seçimi (həm əvvəlki illərin, həm də cari ilin məzunlarının) bütün ixtisas qrupları üzrə iyulun 24-dən avqustun 5-dək həyata keçiriləcək.

Qeyd edək ki, TQDK iyulun 12-də ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə cari ilin məzunları üçün I və IV ixtisas qrupları üzrə keçirilmiş qəbul imtahanının nəticələrini iyulun 15-də saat 17:30-dan etibarən açıqlayıb. İmtahanda iştirak etmiş abituriyentlər TQDK-nın internet saytına daxil olaraq imtahan nəticələri və cavab kartının qrafik təsviri ilə tanış ola bilərlər.

Abituriyentlər imtahan nəticələri barədə məlumatı həmçinin mobil telefonla 7727 nömrəsinə iş nömrələrini göndərməklə öyrənə bilərlər.

Məqalədə:
Xəbər lenti

Xəbər lenti