Azərbaycan, Bakı, 15 avqust /Trend, müxbir İlhamə İsabalayeva/
Qafqaz Müsəlmanları İdarəsi Həcc ziyarətinə gedəcək zəvvarların təyyarələrlə aparılması üçün Səudiyyə Ərəbistanında danışıqlar aparır. Bu barədə Trend-ə QMİ-nin mətbuat xidmətindən məlumat verilib.
Məlumata görə, hazırda danışıqların aparılması üçün Qafqaz Müsəlmanları İdarəsinin rəsmiləri Səudiyyə Ərəbistanında ezamiyyətdədirlər. Yaxın günlərdə danışıqlar bitdikdən və muvafiq müqavilə imzalandıqdan sonra mətbuat vasitəsilə ictimaiyyətə bu barədə ətraflı açıqlama veriləcək.
QMİ Azərbaycandan bu il Həcc ziyarətinə gedəcək zəvvarların VİP təyyarələrlə aparılacağı haqqında yayılan xəbərlərlə bağlı bildirib ki, bu, tam təsdiqlənməmiş xəbərdir.