...

Türkiyə səfirliyi Qubada türk əsgəri məzarını aşkar etdiyinə görə Trend-in əməkdaşını mükafatlandırdı (FOTO)

Cəmiyyət Materials 15 Sentyabr 2014 13:28 (UTC +04:00)
Bu gün Türkiyənin Azərbaycandakı səfirliyində Bakının Qafqaz İslam Ordusu tərəfindən azad olunmasının 96 illiyi qeyd olunur.
Türkiyə səfirliyi Qubada türk əsgəri məzarını aşkar etdiyinə görə Trend-in əməkdaşını mükafatlandırdı (FOTO)

Azərbaycan, Bakı, 15 sentyabr /Trend, müxbir Təmkin Cəfərov/

Bu gün Türkiyənin Azərbaycandakı səfirliyində Bakının Qafqaz İslam Ordusu tərəfindən azad olunmasının 96 illiyi qeyd olunur.

Trend-in məlumatına görə, tədbirdə Türkiyənin Azərbaycandakı fövqəladə və səlahiyyətli səfiri İsmayıl Alper Coşqun, azərbaycanlı millət vəkilləri və ziyalılar iştirak ediblər.

Tədbir zamanı səfiri İsmayıl Alper Coşqun Trend-in Ərəb xəbərlər xidmətinin rəhbəri Rufiz Hafizoğluya Qubanın Susay kəndindəki türk məzarının tapılması və məsələnin gündəmdə saxlanılması üçün göstərdiyi səylərə görə təşəkkür lövhəsi təqdim edib.

Qeyd edək ki, 1918-ci il sentyabrın 15-də Nuru paşanın rəhbərlik etdiyi Qafqaz İslam Ordusu və Azərbaycan Korpusu Bakıya daxil olaraq şəhəri erməni-bolşevik işğalından azad edib. Beləliklə, həm Azərbaycanın müstəqilliyi təmin olunmuş, həm də ermənilərin və bolşeviklərin Bakı və ətraf rayonlardakı ağalığına son qoyulub. Bakının erməni-bolşevik işğalından azad edilməsi XX əsr Azərbaycan tarixinin ən şərəfli səhifələrindən biridir.

Qafqaz İslam Ordusu Bakının azad olunması üçün aparılan döyüşlərdə 1130 şəhid verib.

Hal-hazırda Azərbaycanın Bakı, Şəki, Şamaxı, Göyçay, Kürdəmir, Neftçala şəhərlərində türk şəhidlərinin məzarlıqları və onların xatirəsinə ucaldılmış abidələr var .

Qubanın Susay kəndindəki türk şəhidin məzarı yerli əhali tərəfindən bu günə qədər qorunub saxlanılır və ziyarət edilir. Kənddəki türk şəhidin məzarı yerli sakin Nazim Pəncəliyev tərəfindən restavrasiya edilib.

Məqalədə:
Xəbər lenti

Xəbər lenti