Azərbaycan, Bakı, 28 avqust /Trend, müxbir İlkin İzzət/
Qafqaz Müsəlmanları İdarəsinin (QMİ) dəvəti ilə 31 avqust - 4 sentyabr 2015-ci il tarixlərində İran İslam Respublikasının tanınmış din xadimi Ayətullahul-Uzma Şeyx Hüseyn Nuri Həmədani Azərbaycanda səfərdə olacaq.
QMİ-nin mətbuat xidmətindən Trend-ə verilən məlumata görə, Azərbaycan və İran arasında dini-mənəvi əlaqələrin inkişafına töhfə olacağı gözlənilən səfər çərçivəsində onun Bakı şəhərində və bölgələrdə - Şamaxı və Gəncədə bir sıra görüşləri nəzərdə tutulub.
Ayətullahul-Uzma Şeyx Hüseyn Nuri Həmədani Bakıda Şəhidlər Xiyabanı, Heydər məscidi, Bibi-Heybət və Təzə-Pir məscidlərini ziyarət edəcək, Şamaxıda Cümə məscidi ilə tanış olacaq, Gəncə şəhərində isə Nizami Gəncəvi məqbərəsini, Şah Abbas məscidini və İmamzadə kompleksini ziyarət edəcək.