Azərbaycan, Bakı, 17 sentyabr /Trend, müxbir Elmir Murad/
Bakıda bu il ərzində 7 sərginin keçirilməsi gözlənilir. Bunu "İTE Group" şirkətinin nümayəndəsi Edvard Stroon bu gün Trend-in Mətbuat Mərkəzində keçirilən brifinqdə deyib.
Onun sözlərinə görə, Baku Ekspo Sərgi Mərkəzində sabah başlayacaq "Beynəlxalq Səhiyyə Sərgisi"-ndə 19 ölkədən 189 şirkət iştirak edəcək.
Bu dəfəki sərgiyə təkcə Çexiyadan 10 şirkətin qatılacağını qeyd edən E.Stroon bildirib ki, Rusiyadan da çox böyük nümayəndə heyəti Bakıya gələcək: "Rusiyadan 27 şirkət sərgiyə qatılacaq. Bu dəfki sərgidə yeniliklər çox olmalıdır. Təbii ki, hər il sərgilərə beynəlxalq şirkətlərdən maraq daha çox olur. İldən-ilə gələn şirkətlərin sayı artır. Bu dəfə 30-dan artıq klinika sərgidə iştirak edəcək".
ITECA Kaspian Şirkətinin meneceri Elmira Ağayeva qeyd edib ki, Bakıda baş tutacaq "Beynəlxalq Səhiyyə Sərgisi"ndən Böyük Britaniya, Çin, Almaniya və digər böyük ölkələrdən olan şirkətlər Bakıya gəlib: "Onlar sərgidə daha çox əczaçılıq və tibbi avadanlıqlar nümayiş etdirəcəklər. Sabahkı sərgidə yerli şirkətlərimiz də çoxdur. Demək olar ki, 40 fazi Azərbaycanda fəaliyyət göstərən şirkətlərdir. Artıq 3-cü ildir ki, tibbi turizmə də yer verilir. Tibbi turizm sahəsində daha çox Türkiyə, Latviya və Gürcüstan şirkətləri təmsil olunur. Sabah "Beynəlxalq Səhiyyə Sərgisi" ilə yanaşı, həm də "Beynəlxalq Stamatoloqlar Sərgisi" və "Beauty Azerbaijan -2015" sərgisi də keçiriləcək.
Qeyd edək ki, sabah başlayacaq sərgi sentyabrın 20-dək davam edəcək. Sərginin informasiya dəstəyi Milli.Az, Trend.Az və Day.Az saytıdır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
