Azərbaycan, Bakı, 14 noyabr /Trend, müxbir İlhamə İsabalayeva/
Azərbaycan Mədəniyyət və Turizm Nazirliyi turizm sənayesində fəaliyyət göstərən sahibkarlara və bölgələrdə rayon icra hakimiyyətlərinə aztəminatlı insanların istirahəti üçün daha ucuz qiymətlərin tətbiqi ilə əlaqədar yeni tövsiyələr verib.
Bunu Trend-ə Azərbaycan mədəniyyət və turizm nazirinin müavini Nazim Səmədov deyib.
Nazir müavini qeyd edib ki, istər xarici ölkələrə səfər edən yerli vətəndaşlar, istərsə də ölkəmizə gələn xarici vətəndaşların istirahətinin daha əlverişli qiymət şərtləri ilə təşkil edilməsinə təkan vermək məqsədilə endirimli tur-paketlərin hazırlanması istiqamətində işlərin görülməsi planlaşdırılır.
N.Səmədovun sözlərinə görə, hazırda Azərbaycanda turizm sahəsində müşahidə edilən qiymət siyasəti bazar münasibətləri əsasında formalaşır: "Qiymətləri mövcud bazar və tələb-təklif münasibətlərinə əsasən formalaşmayan bəzi mehmanxana və mehmanxana tipli obyektlərdə qiymətlərin aşağı salınmasına nail olmuşuq. Bu cür məsələlərin həlli kompleks yanaşma, iqtisadi mexanizmlərin bir-birini tamamlanmasını və müəyyən vaxt tələb edir".
O, qeyd edib ki, "3 ulduz"lu hotellərin inşasına dair təkliflər regionların iqtisadi inkişafı ilə bağlı layihələrdə öz əksini tapıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
