Bakı. Samir Məmmədov - Trend:
Bayram günlərində Azərbaycanın avtomobil yollarında 21 yol qəza hadisəsi baş verib.
Trend-in Daxili İşlər Nazirliyinin saytına istinadən yaydığı məlumata görə, hadisələr nəticəsində 7 nəfər dünyasını dəyişib.
Məlumata görə, yanvarın 1-dən 4-dək olan müddətdə respublikanın avtomobil yollarında 17 yol-nəqliyyat hadisəsi baş verib, nəticədə 4 nəfər ölüb, 32 nəfər yaralanıb.
Ötən il dekabrın 31-də isə respublikanın avtomobil yollarında 4 yol-nəqliyyat hadisəsi baş vermiş, nəticədə 3 nəfər ölmüş, 10 nəfər yaralanmışdı.