Bakı. Samir Əli - Trend:
Bu gün Bakı Ağır Cinayətlər Məhkəməsində 30 min manatlıq inşaat materialları oğurlamaqda təqsirləndirilən Elşad Kərimovun cinayət işi üzrə məhkəmə prosesi başa çatıb.
Trend-in məlumatına görə, hakim Şəkər Məmmədovanın sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə E.Kərimov 7 il müddətinə azadlıqdan məhrum edilib.
İttihama görə, bu il fevralın 10-da Bakı şəhər sakini Rəşad Kərimova məxsus evin zirzəmisindən 30 000 ABŞ dolları dəyərində avadanlıq və inşaat materialları oğurlanıb.
Nərimanov rayon Polis İdarəsi 18-ci Polis bölməsi əməkdaşlarının həyata keçirdikləri əməliyyat-axtarış tədbirləri nəticəsində R.Kərimova məxsus evin zirzəmisindən oğurluq edən paytaxt sakini E.Kərimov tutulub.