Bakı. Trend:
Bu gün müstəqil Azərbaycan mətbuatının ilk nümunələrindən olan "525-ci qəzet"in yaranmasının 24-cü ildönümüdür.
Trend-in məlumatına görə, 1992-ci il noyabrın 17-də qeydiyyatdan keçmiş qəzetlərin siyahısında 525-ci olan nəşr bu ad altında fəaliyyətə başlayıb. Hazırda isə "525-ci qəzet"in adı ilk sıralarda çəkilir.
Vaxtilə karyeralarına "525-ci qəzet"də başlayanlar hazırda bir çox aparıcı qurumlarda çalışırlar.
“525-ci qəzet”in baş redaktoru tanınmış yazıçı-jurnalist Rəşad Məciddir. O, 1995-ci ildən qəzetə rəhbərlik edir.
Trend İnformasiya Agentliyinin kollektivi "525-ci qəzet"in yaranmasının 24-cü ildönümü münasibətilə qəzetin kollektivini təbrik edir, fəaliyyətlərində yeni uğurlar arzulayır.