Bakı. Elçin Mehdiyev-Trend:
Azərbaycan paracüdoçuları IV İslam Həmrəyliyi Oyunları çərçivəsində yarışlara qoşulub.
Trend-in məlumatına görə, ilk olaraq tatamiyə 66 kq çəki dərəcəsində paracüdoçularımız Elçin Talıbov özbəkistanlı Utqirjon Niqmatov ilə, Bayram Mustafayev isə Əlcəzair təmsilçisi Mohammed Bellabas ilə qarşılaşıb.
Hər iki təmsilçimiz görüşü qələbə ilə başa vurub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.