...

Binəqədidə “Dəyərlərimiz üçün birləşək” aksiyası keçirilib (FOTO)

Cəmiyyət Materials 5 İyun 2017 14:58
Binəqədi rayonunda “Dəyərlərimiz üçün birləşək” adlı iməclik aksiyası keçirilib.
Binəqədidə “Dəyərlərimiz üçün birləşək” aksiyası keçirilib (FOTO)

Trend-i buradan izləyin

Bakı. Trend:

Binəqədi rayonunda “Dəyərlərimiz üçün birləşək” adlı iməclik aksiyası keçirilib.

Binəqədi rayon İcra Hakimiyyətindən Trend-ə verilən məlumata görə, iyunun 3-də Binəqədi rayonunda “Dəyərlərimiz üçün birləşək” adlı iməclik aksiyası keçirilib.

“İslam Həmrəyliyi ili” çərçivəsində keçirilən iməcilik aksiyasında İcra Hakimiyyəti başçısının müavinləri, Aparatın əməkdaşları, YAP Binəqədi rayon təşkilatının əməkdaşları və Gənclər Birliyinin fəalları, Binəqədi rayon Yaşıllaşdırma İdarəsinin əməkdaşları, eləcə də rayon Mənzil Kommunal Təsərrüfatı Birliyi, rayonun bələdiyyələri, həmçinin ayrı-ayrı idarə, müəssisə və təşkilatları, ümumilikdə 300 nəfər fəal iştirak ediblər.

Rayonun Binəqədi bələdiyyəsi - Novxanı bağ massivi ərazisi, M.Ə.Rəsulzadə qəsəbəsi - İ.Hacıyev küçəsi 3126-cı məhəllə; Biləcəri qəsəbəsi - Natəvan küçəsi 20; Binəqədi qəsəbəsi - Gülüstan küçəsi 8; Xocəsən qəsəbəsi - Yuxarı Sulutəpə massivi ərazisi; 28 May qəsəbəsi - 28 May qəsəbəsi, 7 və 8-ci küçələr və həmin qəsəbələrdə yerləşən qəbirstanlıqlarda iməclik edilib.

Aksiya zamanı ətraf yabanı otlardan, məişət tullantılarından təmizlənmiş və qəbristanlıqlarda dinindən, irqindən asılı olmadan dəfn edilmiş bütün şəxslərin qəbir üstləri təmizlənib və ətraflarında abadlıq işləri aparılıb.

“İslam Həmrəyliyi ili” çərçivəsində bu iməcliyin təşkil edilməsində əsas məqsəd odur ki, gənclərimiz bilməlidirlər tarixi İpək Yolunun üzərində yerləşən, Şərqlə Qərb arasında körpü rolunu oynayan Azərbaycan müxtəlif millətlərin, mədəniyyətlərin və dinlərin ardıcıllarının sülh, əmin-amanlıq və qarşılıqlı anlaşma şəraitində yaşadığı məkan olub. Ölkəmizdə heç zaman milli-dini zəmində qarşıdurmanın baş verməməsi, həmçinin qarşılıqlı etimada və hörmətə əsaslanan mütərəqqi milli-mədəni və etnik-dini münasibətlərin hökm sürməsi xalqımızın özünəməxsus milli xüsusiyyətindən irəli gəlir. Bütün bunları yaşatmaq və gənclərimizlə birgə təbliğ etmək olduqca vacib amillərdən biridir. O cümlədən, gənclər Biləcəri qəsəbəsində dəfn edilən tanınmış azərbaycanlı milyonçu, neft hasilatçısı, xeyriyyəçi Ağa Musa Nağıyevin qəbirüstü abidəsi ziyarət edərək, ətrafında təmizlik işləri aparıb və tər çiçəklər əkiblər.

Məqalədə:
Xəbər lenti

Xəbər lenti