...

Nazirdən İRAD: Lilsenziyaların ləğvindən sonra aşağı səviyyəli xidmət faktları ilə rastlaşdıq

Cəmiyyət Materials 12 İyun 2017 21:07 (UTC +04:00)
“Əfsuslar olsun ki, lisenziyaların ləğv olunmasından sonra turizm sənayesində səviyyəsiz xidmətlərin ortaya qoyulması faktları ilə rastlaşmağa başladıq”.
Nazirdən İRAD: Lilsenziyaların ləğvindən sonra aşağı səviyyəli xidmət faktları ilə rastlaşdıq

Trend-i buradan izləyin

Bakı. İlhamə İsabalayeva - Trend:

Əfsuslar olsun ki, lisenziyaların ləğv olunmasından sonra turizm sənayesində xidmətlərin aşağı səviyyədə göstərilməsi faktları ilə rastlaşdıq.

Trend-in məlumatına görə, bunu mədəniyyət və turizm naziri Əbülfəs Qarayev deyib.

Nazir qeyd edib ki, turizmin fəaliyyəti üçün lisenziyaların ləğv edilməsi biznes mühitinin yaxşılaşmasına doğru atılan bir addımdır. Lakin bundan sui-istifadə edənlər də olur: "Lisenziyaların ləğvi biznesə tam sərbəstlik vermək məqsədi daşıyır. Ona görə də bu, çox düzgün addım idi və böyük inkişafa səbəb oldu. Amma istər-istəməz vəziyyətdən sui-istifadə edən insanlar da olur".

Ə.Qarayev deyib ki, belə halların qarşısını almaq təkcə dövlətin işi olmalı deyil. Turizm şirkətləri də bunun marağında olmalıdır.

Nazir qeyd edib ki, bu gün turizm müəssisələrinin fəaliyyəti üçün lisenziyanın tələb edilməməsinə baxmayaraq, hər bir şirkət öz fəaliyyətini daim təkmilləşdirməlidir: "Belə olmasa, biz dünyada gedən qlobal turizm proseslərinin arxasında qalacağıq. Ona görə də hər turizm şirkəti öz işini təkmilləşdirməyə maraqlı olmalıdır. Mən istəməzdim ki, bələdçi səhv məlumat versin, internetdə yalan məlumat yerləşdirilsin. Çünki dələduzluq faktları bizim ümumi turizm mənzərəmizə kölgə salır".

Məqalədə:
Xəbər lenti

Xəbər lenti