...

Prezident mükafatçısı olan Binəqədi gənci İdarə rəisi oldu

Cəmiyyət Materials 5 İyul 2017 10:18 (UTC +04:00)
Binəqədi Rayon İcra Hakimiyyəti başçısının müvafiq əmri ilə Rayon Gənclər və İdman İdarəsinin rəisi vəzifəsinə Elvin Namiq oğlu Aslanov təyin edilib.
Prezident mükafatçısı olan Binəqədi gənci İdarə rəisi oldu

Bakı. Trend:

Binəqədi Rayon İcra Hakimiyyəti başçısının müvafiq əmri ilə Rayon Gənclər və İdman İdarəsinin rəisi vəzifəsinə Elvin Namiq oğlu Aslanov təyin edilib.

İcra hakimiyyətindən Trend-ə verilən məlumata görə, E.Aslanov 2012-ci ildə Azərbaycan Respublikası Prezidenti yanında Dövlət İdarəçilik Akademiyasını bitirib, 2016-cı ildə Azərbaycan Turizm və Menecment Universitetində magistr pilləsini başa vurub.

2008-ci ildən Azərbaycan Tələbələr Birliyinin sədridir. 2013-cü ildən Azərbaycan Gənclər və İdman Nazirliyi yanında Gənclərlə iş üzrə İctimai Şuranın sədr müavinidir.

Bir çox yerli və beynəlxalq tədbirlərin iştirakçısıdır, eyni zamanda, bəzi tədbirlərdə ekspert və təlimçi kimi çıxış edib.

İctimai fəaliyyət sahəsində xüsusi fərqləndiyi üçün 2016-cı ildə Prezident İlham Əliyev tərəfindən Gənclər üçün Prezident Mükafatı ilə mükafatlandırılıb.

Məqalədə:
Xəbər lenti

Xəbər lenti