Mədəniyyət Nazirliyinin kollektivi ümummilli liderin məzarını ziyarət edib (FOTO)

Bakı. Trend:

Mədəniyyət Nazirliyinin, nazirlik yanında Mədəni İrsin Qorunması, İnkişafı və Bərpası üzrə Dövlət Xidmətinin, Bakı Şəhər Mədəniyyət Baş İdarəsinin kollektivi mayın 10-da Fəxri xiyabana gələrək ulu öndərin məzarını ziyarət edib.

Mədəniyyət Nazirliyindən Trend-ə verilən məlumata görə, Nazirliyin əməkdaşları ümummilli liderin məzarı önünə tər çiçək dəstələri düzüb, əziz xatirəsinə ehtiramlarını bildiriblər.

Anım mərasimində Bakı şəhərində fəaliyyət göstərən mədəniyyət müəssisələrinin əməkdaşları da iştirak ediblər.