...

YAP tərəfindən aztəminatlı ailələrə ərzaq yardımı aksiyasına start verilib (FOTO)

Cəmiyyət Materials 14 Aprel 2020 19:58 (UTC +04:00)
YAP tərəfindən aztəminatlı ailələrə ərzaq yardımı aksiyasına start verilib (FOTO)

Trend-i buradan izləyin

Bakı. Trend:

Aprelin 14-də Yeni Azərbaycan Partiyası tərəfindən aztəminatlı ailələrə ərzaq yardımı aksiyasına start verilib.

Trend-in məlumatına görə, dörd gün davam edəcək aksiya çərçivəsində Bakı, Sumqayıt, Gəncə şəhərlərində və Abşeron rayonunda ümumilikdə qayğıya və sosial müdafiəyə ehtiyacı olan aztəminatlı ailələrə ərzaq yardımı göstəriləcək.

Həmin ailələrə zəruri ərzaq yardımları Yeni Azərbaycan Partiyasının könüllüləri tərəfindən çatdırılacaq.

Qeyd edək ki, dünyada qlobal problemə çevrilmiş koronavirus pandemiyasına qarşı mübarizə çərçivəsində Prezident İlham Əliyevin rəhbərliyi ilə Azərbaycan Respublikasında sistemli tədbirlər həyata keçirilir.

Ölkəmizin aparıcı siyasi qüvvəsi olan Yeni Azərbaycan Partiyası da koronovirusa qarşı mübarizə çərçivəsində görülən işlərə fəal şəkildə qoşulub. Partiyanın bütün strukturları əhalinin həssas təbəqəsinə aid olan ailələrə müntəzəm olaraq hər cür yardım və dəstək göstərirlər.

Eyni zamanda, Yeni Azərbaycan Partiyası “Koronavirusla Mübarizəyə Dəstək Fondu”na ümumilikdə təxminən 500 min manat ianə edib, "Sağlamlığımız milli həmrəyliyimizdədir!" aksiyası həyata keçirib.

Hazırda isə Yeni Azərbaycan Partiyası Əmək və Əhalinin Sosial Müdafiəsi Nazirliyi ilə birlikdə martın 27-dən etbarən yaşı 65-dən yuxarı olan tənhalara, ahıl vətəndaşlara yardım paylayır, onlara sosial xidmətlər göstərir.

Məqalədə:
Xəbər lenti

Xəbər lenti