...

Aprelin 1-dən start verilən onlayn dərslərdə 15 mindən çox qrup və dərnək üzvü iştirak edib

Cəmiyyət Materials 14 May 2020 12:01 (UTC +04:00)
Aprelin 1-dən start verilən onlayn dərslərdə 15 mindən çox qrup və dərnək üzvü iştirak edib

Trend-i buradan izləyin

Bakı. İlhamə İsabalayeva - Trend:

Təhsil Nazirliyi tərəfindən pandemiya dövründə tədrisin davamlılığını təmin etmək, məktəblilərin ev şəraitində asudə vaxtının səmərəli keçirilməsinə nail olmaq, onların fiziki hazırlığı və yaradıcılıq imkanlarınının inkişaf etdirilməsi məqsədilə tədbirlər davam etdirilir.

Nazirlikdən Trend-ə verilən məlumata görə, tədris prosesinin dayandırıldığı müddətdə nazirlik tərəfindən bir sıra ölkədaxili və beynəlxalq səviyyəli idman yarışları, yaradıcılıq müsabiqələri, sərgi, dəyirmi masalar və digər tədbirlər həyata keçirilib. Mövcud vəziyyətlə əlaqədar onlayn platformada keçirilən sözügedən tədbirlər üzrə 8000 nəfərdən çox məktəblinin iştirakı təmin edilib

Aprelin 1-dən start verilən onlayn dərslərdə hazırkı vaxtadək 27 idman növü və 103 dərnək üzrə 15 min nəfərdən artıq qrup və dərnək üzvü, 1 200-dən artıq pedaqoji heyət iştirak edib. Dərslər müəssisələrin dərs cədvəlinə uyğun təşkil edilib.

Qeyd edək ki, onlayn dərslərlə yanaşı Təhsil Nazirliyinin təşkilatçılığı ilə həftəiçi 5 gün “Mədəniyyət” kanalında yayımlanan "Dərs vaxtı" proqramı və şənbə günü yayımlanan “Dərsdən sonra” blokuna uyğun olaraq məktəbdənkənar fəaliyyətlə bağlı teledərslər də yayımlanır.

Məqalədə:
Xəbər lenti

Xəbər lenti