Bakı. İlhamə İsabalayeva - Trend:
General-mayor Polad Həşimovun anası Səmayə Həşimova oğluna "Milli Qəhrəman" adının verilməsinə görə Prezident İlham Əliyevə təşəkkür edib.
Trend-in məlumatına görə, S.Həşimova bildirib ki, oğlu general-mayor Polad Həşimov öz canını torpaqlarımız uğrunda fəda etdi:
"Ali Baş Komandan, Prezident İlham Əliyev onun əziyyətini qiymətləndirdi. Buna görə öz ailəmiz adından Ali Baş Komandana təşəkkürümüzü bildiririk, ona "sağ olsun" deyirik. Mənim oğlumun əziyyəti belə qiymətləndirildi".