...

Ölkə üzrə koronavirusa yoluxan şagird və müəllimlərin sayı açıqlandı

Cəmiyyət Materials 27 Oktyabr 2021 11:35 (UTC +04:00)
Ölkə üzrə koronavirusa yoluxan şagird və müəllimlərin sayı açıqlandı

Trend-i buradan izləyin

Bakı. Çingiz Səfərli - Trend:

Respublikanın ümumtəhsil məktəbləri üzrə bu vaxta qədər 5042 şagird və 3388 müəllim koronavirusa yoluxub.

Bu barədə Trend-in sorğusuna cavab olaraq Təhsil Nazirliyindən məlumat verilib.

Qeyd olunub ki, ölkədə mövcud 4432 ümumtəhsil məktəbindən 31-i distant təhsilə keçib.

"Ümumtəhsil məktəbləri arasında distant təhsilə keçid 0,7 faiz təşkil edir. Həmçinin respublika üzrə 89 min 674 sinifdən 697-də ənənəvi tədris dayandırılmışdı. Bu da ümumi siniflərin 0,78 faiz təşkil edirdi. Artıq onlardan 155-i 2 həftəlik karantin müddəti bitdikdən sonra ənənəvi təhsilə qayıdıb, 542 sinif isə hələ də distant təhsildədir. Bu da 0,6 faiz edir. Bu günə qədər ölkədə 1 milyon 595 min 108 şagird təhsil alır, onlardan 5042 nəfəri, yəni 0,32 faizi COVİD-19 infeksiyasına yoluxub. Müəllimlər arasında yoluxma halı isə 3388 nəfərdə müəyyən edilib ki, bu da ümumi müəllimlərin 1,47 faizini təşkil edir".

Twitter: @cingizsafarli

Məqalədə:
Xəbər lenti

Xəbər lenti