Bakı. Çingiz Səfərli - Trend:
Özəl bağçalarda da qida təhlükəsizliyi ilə bağlı yoxlamalar aparılacaq.
Trend xəbər verir ki, bunu Azərbaycan Qida Təhlükəsizliyi Agentliyinin (AQTA) əməkdaşı Şəhla Yusifzadə deyib.
O bildirib ki, hazırda yalnız dövlət bağçalarında monitorinqlər aparılır.
"Dövlət bağçalarında yoxlamalar yekunlaşdıqdan sonra ikinci mərhələdə özəl bağçalarda da yoxlamalara start veriləcək", - o qeyd edib.