Bakı. Çingiz Səfərli - Trend:
Bakıda Yeni il hazırlıqları başlanılıb. Paytaxtın bayram üçün bəzədilməsi işlərinə artıq start verilib.
Trend-in məlumatına görə, Bakının bir sıra mərkəzi yerlərində, o cümlədən "Azneft" dairəsində və "Ağ Şəhər"də yolka qurulur.
Həmçinin mərkəzi prospektlərdə və meydanlarda parlaq işıq tabloları, yeni il simvolları quraşdırılır.
Bakı Şəhər İcra Hakimiyyətindən Trend-ə verilən məlumata görə, paytaxtın bütün rayonlarında yolkaların qurulması üçün yerli orqanlara tapşırıq verilib.
