Bakı. Trend:
Havalar soyuduqca məişətdə daha çox qızdırıcı texnikalardan istifadə olunur. Soyuq aylarda zəhərlənmə halları daha qabarıq özünü göstərir. Bunun qarşısını almaq üçün düzgün şəkildə ilk tibbi yardım göstərilməlidir. Dəm qazı məsələsi artıq sosial bəla miqyası alıb.
Bəs dəm qazından zəhərlənmənin baş verməməsi üçün hansı təhlükəsizlik qaydalarına riayət edilməlidir?
Bədbəxt hadisələrin qarşısı necə alınmalıdır?
Dəm qazının əlamətləri nədir?
Ilk yardım necə olunmalıdır?
Nə baş verir ki, qaz zəhərə çevrilir?
Azərbaycan Respublikası Dövlət Gömrük Komitəsinin Tibbi Xidmət İdarəsi rəisinin müavini, həkim-toksikoloq İsmayıl Əfəndiyev AZTV-nin “Çıxışa doğru” verilişində bildirib: “Qazla qızdırıcı qurğu olan qapalı məkanda özünüzdə baş ağrısı, halsızlıq, ürək bulanması kimi əlamətlər hiss edirsinizsə, bu zəhərlənmədir. Belə hallarda bir neçə saniyə ərzində o mühiti tərk etmək vacibdir”.
Süjeti Mərkəzi Gömrük Hospitalının youtube kanalında izləyə bilərsiniz. https://youtu.be/2E3aQc5XbUk