...

Qazaxıstan-Azərbaycan diplomatik münasibətlərin 30 illiyi münasibətilə videoçarx hazırlanıb

Cəmiyyət Materials 12 Avqust 2022 12:33 (UTC +04:00)
Qazaxıstan-Azərbaycan diplomatik münasibətlərin 30 illiyi münasibətilə videoçarx hazırlanıb

Trend-i buradan izləyin

Bakı. Trend:

Qazaxıstan Respublikası ilə Azərbaycan Respublikası arasında diplomatik münasibətlərin qurulmasının 30 illiyi münasibətilə Qazaxıstanın tanınmış gənc müğənnisi Yernar Sadırbayev (Əmre) Polad Bülbüloğlunun məşhur “Gəl ey səhər” mahnısını ifa edib.

Bu əlamətdar günlə əlaqədar hazırlanmış videoçarxda iki qardaş ölkənin ən gözəl məkanları təqdim olunur.

Y.Sadırbayev 12 yanvar 1995-ci il tarixində Nur-Sultanda dünyaya göz açıb. O, Jurqenov adına Qazax Milli İncəsənət Akademiyasının məzunudur. Pop-classic, Pop, R&В, Latino və digər üslublarda çıxış edir. O, “Delfi Oyunları – 2011”, “Boztorqay” və “Torağay” müsabiqələrdə çıxış edib, Milanda keçirilən “Ekspo” sərgisində iştirak edib və “Yeni Dalğa” müsabiqəsində “Qazaxıstanın Səsi” qrupunun üzvü olub. Y.Sadırbayev bir çox beynəlxalq müsabiqələrin laureatıdır.

Qeyd edək ki, Qazaxıstan Respublikası ilə Azərbaycan Respublikası arasında diplomatik münasibətlərin qurulmasının 30 illiyi avqustun 27-də qeyd edilir.

Məqalədə:
Xəbər lenti

Xəbər lenti