Bakı.Trend:
Hazırda qida və yem məhsullarının təhlükəsizliyi sahəsində qanunvericiliyin "Kodeks alementarius" komissiyası və digər təşkilatlar tərəfindən qəbul olunan beynəlxalq standartlara, norma və qaydalara uyğunlaşdırılması, eləcə də, yeni normaların hazırlanması işləri davam edir.
Trend xəbər verir ki, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli “Avropa və Mərkəzi Asiyada Qida Standartlarının Təkmilləşdirilməsi və Kodeksin fəaliyyətində iştirakın genişləndirilməsi” mövzusunda keçirilən beynəlxalq tədbirdə çıxışı zamanı deyib.
Q.Təhməzli bildirib ki, son dövrlər dünyada, o cümlədən, Azərbaycanda antimikrob resitendliyi narahatlıq yaradan problemdir.
"Antibiotiklərə davamlı potagenlərin yaranması və yayılması antimikrob müqavimətə gətirib çıxarır”, - deyə o qeyd edib.