Bakı. Trend:
Bu gün Füzuliyə qayıdışla 30 illik həsrətimiz sonunda başa çatır.
Bunu Trend-ə açıqlamasında Füzuli sakini Qasımova Raifə deyib.
Onun sözlərinə görə, şükürlər olsun, bu günü uzun illərdir ki, gözləyirdik. Bu gün Füzuliyə köçürük. Füzuliyə qayıdış sevincini heç bir sözlə ifadə etmək mümkün deyil.
“Qaçqın həyatı yaşamaq həddindən artıq çox çətindir. Artıq öz yurdumuzda öz evimiz var. Gənclərimiz, şəhidlərimizin hesabına o torpaqlar geri qaytarılıb” – deyə o qeyd edib.