Bakı. Trend:
Noyabrın 16-da gözlənilən hava şəraiti açıqlanıb.
Trend xəbər verir ki, bu barədə Milli Hidrometeorologiya Xidməti məlumat yayıb.
Məlumata əsasən, Bakıda və Abşeron yarımadasında hava şəraitinin
dəyişkən buludlu olacağı, arabir tutulacağı, əsasən yağmursuz
keçəcəyi gözlənilir. Gecə və səhər bəzi yerlərdə zəif duman olacaq.
Cənub-qərb küləyi gündüz şimal-qərb küləyi ilə əvəz olunacaq.
Havanın temperaturu gecə 10 dərəcədən 14 dərəcəyə, gündüz 16
dərəcədən 19 dərəcəyə qədər isti olacaq. Atmosfer təzyiqi 761 mm
civə sütunundan 767 mm civə sütununa yüksələcək. Nisbi rütubət
70-80 % təşkil edəcək.
Azərbaycanın rayonlarında havanın əsasən yağmursuz keçəcəyi, lakin
gündüz qərb rayonlarından başlayaraq bəzi yerlərdə arabir yağış
yağacağı gözlənilir. Ayrı-ayrı yerlərdə leysan xarakterli olacağı,
şimşək çaxacağı, dolu düşəcəyi, yüksək dağlıq ərazilərdə qar
yağacağı ehtimalı var. Bəzi yerlərdə arabir duman olacaq. Mülayim
qərb küləyi əsəcək.
Havanın temperaturu gecə 9 dərəcədən 12, gündüz 16 dərəcədən 19
dərəcəyə, dağlarda gecə 1 dərəcədən 5, gündüz 5 dərəcədən 9
dərəcəyə qədər isti olacaq.