Dekabrın 9-da Mətbuat Şurası İdarə Heyətinin iclası keçiriləcək. Bu barədə Trend ə Mətbuat Şurasından məlumat verilib.
İclas "Azərbaycan" qəzetinin redaksiyasında keçiriləcək. İclasın gündəliyinə 4 məsələ daxil edilib. Şura üzvləri İdarə Heyətinin bu ilin oktyabr və noyabr aylarında gördüyü işlərə dair Mətbuat Şurasının sədri Əflatun Amaşovun məlumatını müzakirə edərək qiymətləndirəcəklər.
Həmçinin, MŞ-yə müxtəlif KİI-lərlə əlaqədar daxil olmuş şikayətlər müzakirə ediləcək. Son iki ayda MŞ şikayətlər üzrə Komissiyasının keçirdiyi üç iclasda çıxarılan bir sıra rəylər əsasında qərarlar veriləcək.
İclasda MŞ-nin sıralarına yeni üzvlərin qəbulu məsələsini də müzakirəyə çıxarılacaq.