Azərbaycanın sərbəst güləş üzrə komandası Qran-Pri seriyasından beynəlxalq turnirdə iştirak etmək üçün fevralın 9-da Samsuna yola düşəcək.
Milli Federasiyadan Trend ə verilən məlumata görə, kollektivin tərkibinə Allahverdi Vəliyev (55 kq), Elmir Qəmbərov (60 kq), Xaqan Süleymanov (66 kq), Avropa çempionatının finalçısı Elman Əsgərov (66 kq), Atlanta və Sidney Olimpiadalarının iştirakçısı Elşad Allahverdiyev (74 kq) və Vüqar Qurbanov (96 kq) daxildir. Komandaya Rövşən Ümüdov rəhbərlik edəcək, yarış isə beynəlxalq kateqoriyalı hakim Zakir Məmmədovun hakimliyi ilə keçiriləcək.
Türkiyəyə Rusiya, Ukrayna, Bolqarıstan, Belarus və digər ölkələrdən ən güclü idmançıların gələcəyi gözlənilir.
Xatırladaq ki, Krasnoyarskda Qran-Pri seriyasından olan birinci yarışlarda komanda medal qazana bilməmişdi.